ಮುಂದಿನ ತಲೆಮಾರಿನ ಡಿಜಿಟಲ್ ಗೌಪ್ಯತೆ, ಅನುಸರಣೆ ಮತ್ತು ನಂಬಿಕೆ. ಭಾರತದ ಮುಂದಿನ ದಾಪುಗಾಲು.
Airavata ಭಾರತದ ಡಿಜಿಟಲ್ ವೈಯಕ್ತಿಕ ಡೇಟಾ ಸಂರಕ್ಷಣಾ ಕಾಯ್ದೆಗಾಗಿ ಮೊದಲಿನಿಂದಲೇ ನಿರ್ಮಿಸಲಾದ ಡೇಟಾ ಸಂರಕ್ಷಣಾ ವೇದಿಕೆ. ಬೇರೆಡೆಯಿಂದ ಹೊಂದಿಸಿಕೊಂಡದ್ದಲ್ಲ. ಅನುವಾದಿಸಿದ್ದಲ್ಲ. ಆ ಕಾಯ್ದೆಗಾಗಿಯೇ, ಮತ್ತು ಅದು ರಕ್ಷಿಸುವ ಪ್ರತಿಯೊಬ್ಬ ಭಾರತೀಯನಿಗಾಗಿಯೇ ನಿರ್ಮಿತ.
ಭಾರತ 140 ಕೋಟಿ ಜನರಿಗೆ ಡಿಜಿಟಲ್ ಗುರುತು ನೀಡಿತು. ಹಣ ಪಾವತಿಯ ಹೊಸ ವಿಧಾನವನ್ನು ಜಗತ್ತಿಗೆ ಕಲಿಸಿತು. ಅಧಿಕೃತ ದಾಖಲೆಗಳನ್ನು ಪ್ರತಿಯೊಬ್ಬರ ಜೇಬಿಗೆ ತಂದಿತು.
ನಂತರ, ಇವೆಲ್ಲವೂ ಬಿಟ್ಟುಹೋಗುವ ಹೆಜ್ಜೆಗುರುತನ್ನು ರಕ್ಷಿಸಲು ಒಂದು ಕಾನೂನನ್ನು ರೂಪಿಸಿತು: ನಮ್ಮ ವೈಯಕ್ತಿಕ ಡೇಟಾ.
ಇಷ್ಟು ಮಹತ್ವಾಕಾಂಕ್ಷೆಯ ಕಾನೂನಿಗೆ ಅದಕ್ಕಾಗಿಯೇ ನಿರ್ಮಿಸಿದ ವೇದಿಕೆ ಬೇಕು. ಬೇರೆ ದೇಶದಿಂದ ಎರವಲು ಪಡೆದದ್ದಲ್ಲ. ಹಳೆಯ ಉತ್ಪನ್ನಕ್ಕೆ ಜೋಡಿಸಿದ್ದಲ್ಲ. ಇಲ್ಲೇ, ಇಲ್ಲಿನವರಿಗಾಗಿಯೇ, ಮೊದಲ ಸಾಲಿನಿಂದಲೇ ನಿರ್ಮಿಸಿದ್ದು.
ಆ ವೇದಿಕೆ ಬಹುತೇಕ ಸಿದ್ಧವಾಗಿದೆ. ಅದರ ಹೆಸರು Airavata.
Airavata ಏಕೆ
ಭಾರತೀಯ ಪರಂಪರೆಯಲ್ಲಿ ಐರಾವತವು ಕ್ಷೀರಸಾಗರ ಮಥನದಿಂದ ಉದ್ಭವಿಸಿದ ಶ್ವೇತಗಜ. ಅದು ದೇವತೆಗಳ ಒಡೆಯನಾದ ಇಂದ್ರನನ್ನು ಹೊತ್ತು, ಪೂರ್ವ ದಿಕ್ಕನ್ನು ಕಾಯುತ್ತದೆ. ಲೋಕದ ದಿಕ್ಕುಗಳನ್ನು ಎತ್ತಿಹಿಡಿದು ರಕ್ಷಿಸುವ ಅಷ್ಟದಿಗ್ಗಜಗಳಲ್ಲಿ ಅದೂ ಒಂದು.
ಮಥನದಿಂದ ಉದ್ಭವಿಸಿದ ರಕ್ಷಕ. ಸ್ಥಿರ, ಸದಾ ಜಾಗೃತ, ಅಚಲ.
ನಮ್ಮ ವೇದಿಕೆಗೆ ಆ ಹೆಸರನ್ನು ಇಟ್ಟಿರುವುದಕ್ಕೆ ಒಂದೇ ಕಾರಣ. ಕಾವಲೇ ಇದರ ಕಾಯಕ.
13 ಮೇ 2027.
ಆ ದಿನದಿಂದ ಭಾರತದ ಡಿಜಿಟಲ್ ವೈಯಕ್ತಿಕ ಡೇಟಾ ಸಂರಕ್ಷಣಾ ನಿಯಮಗಳ ಪ್ರಮುಖ ಭಾಗ, ಭಾರತದಲ್ಲಿರುವ ಜನರ ಡಿಜಿಟಲ್ ವೈಯಕ್ತಿಕ ಡೇಟಾವನ್ನು ನಿರ್ವಹಿಸುವ ಪ್ರತಿಯೊಂದು ಸಂಸ್ಥೆಗೂ ಅನ್ವಯವಾಗಲಿದೆ.
ಕಾನೂನು ಪ್ರತಿಯೊಂದು ಸಂಸ್ಥೆಯಿಂದ ಬಯಸುವುದು
- १
ವೈಯಕ್ತಿಕ ಡೇಟಾ ಸಂಗ್ರಹಿಸುವ ಮೊದಲು ಸರಳ ಭಾಷೆಯಲ್ಲಿ ಸ್ಪಷ್ಟ ಸೂಚನೆ.
§ 5 - २
ಮುಕ್ತ, ನಿರ್ದಿಷ್ಟ ಮತ್ತು ಮಾಹಿತಿಪೂರ್ಣ ಸಮ್ಮತಿ. ಅದನ್ನು ನೀಡಿದಷ್ಟೇ ಸುಲಭವಾಗಿ ಹಿಂಪಡೆಯಲೂ ಸಾಧ್ಯವಿರಬೇಕು.
§ 6 - ३
ಪ್ರತಿಯೊಂದು ದಾಖಲೆಗೂ ಸಮಂಜಸವಾದ ಭದ್ರತೆ.
§ 8(5) - ४
ಉಲ್ಲಂಘನೆಯಾದರೆ ಡೇಟಾ ಸಂರಕ್ಷಣಾ ಮಂಡಳಿಗೆ ಮತ್ತು ಬಾಧಿತ ಪ್ರತಿಯೊಬ್ಬರಿಗೂ ವರದಿ.
§ 8(6) - ५
ಉದ್ದೇಶ ಈಡೇರಿದ ನಂತರ ಡೇಟಾ ಅಳಿಸುವಿಕೆ.
§ 8(7) - ६
ಮಗುವಿನ ಅಥವಾ ವಿಕಲಚೇತನ ವ್ಯಕ್ತಿಯ ಡೇಟಾವನ್ನು ಸಂಸ್ಕರಿಸುವ ಮೊದಲು ಪೋಷಕರ ಅಥವಾ ಕಾನೂನುಬದ್ಧ ಸಂರಕ್ಷಕರ ಪರಿಶೀಲಿಸಬಹುದಾದ ಸಮ್ಮತಿ.
§ 9 - ७
ಜನರು ದೂರು ಸಲ್ಲಿಸಿ ಉತ್ತರ ಪಡೆಯಲು ನಿಜವಾದ ವ್ಯವಸ್ಥೆ.
§ 8(10) · 13
ತಪ್ಪಿದರೆ ತೆರಬೇಕಾದ ಬೆಲೆ
ಕಾನೂನು ಬರೆದಾಗಿದೆ. ಗಡಿಯಾರದ ಮುಳ್ಳು ಓಡುತ್ತಿದೆ. ಪಾಲಿಸಬೇಕೇ ಎಂಬುದು ಈಗ ಪ್ರಶ್ನೆಯಲ್ಲ, ಎಷ್ಟು ಚೆನ್ನಾಗಿ ಪಾಲಿಸುತ್ತೀರಿ ಎಂಬುದೇ ಪ್ರಶ್ನೆ.
ವೈಯಕ್ತಿಕ ಡೇಟಾವನ್ನು ರಕ್ಷಿಸಲು ವಿಫಲವಾದರೆ
ಗರಿಷ್ಠ₹250 ಕೋಟಿ
ಉಲ್ಲಂಘನೆಯನ್ನು ವರದಿ ಮಾಡಲು ವಿಫಲವಾದರೆ
ಗರಿಷ್ಠ₹200 ಕೋಟಿ
ಮಕ್ಕಳ ಡೇಟಾ ಕುರಿತ ಹೊಣೆಗಾರಿಕೆಯಲ್ಲಿ ವಿಫಲವಾದರೆ
ಗರಿಷ್ಠ₹200 ಕೋಟಿ
ಭಾರತದ ಧ್ವಜ ಅಂಟಿಸಿದ ಜಾಗತಿಕ ಉತ್ಪನ್ನವಲ್ಲ.
ಬಹುತೇಕ ಗೌಪ್ಯತಾ ಸಾಫ್ಟ್‌ವೇರ್‌ಗಳನ್ನು ಯುರೋಪ್ ಅಥವಾ ಕ್ಯಾಲಿಫೋರ್ನಿಯಾಕ್ಕಾಗಿ ಬರೆದು, ನಂತರ ಭಾರತಕ್ಕೆ ಹೊಂದಿಸಲಾಗಿದೆ. ಅನುವಾದಿಸಿದ ಮೆನುಗಳು. ಎರವಲು ಪಡೆದ ವ್ಯಾಖ್ಯಾನಗಳು. ಜನರು ಹೇಗೆ ಬದುಕುತ್ತಾರೆ, ಮಾತನಾಡುತ್ತಾರೆ, ಸಮ್ಮತಿ ನೀಡುತ್ತಾರೆ ಎಂಬುದರ ಬಗ್ಗೆ ವಿದೇಶಿ ಊಹೆಗಳು.
Airavata ಇದಕ್ಕೆ ವಿರುದ್ಧ ದಾರಿ ಹಿಡಿಯಿತು. ನಾವು DPDP ಕಾಯ್ದೆ ಮತ್ತು ಅದರ ನಿಯಮಗಳ ಪಠ್ಯದಿಂದ ಆರಂಭಿಸಿ, ಒಂದೊಂದೇ ಸೆಕ್ಷನ್ ಹಿಡಿದು ಮೇಲಕ್ಕೆ ಕಟ್ಟಿದೆವು. ಪ್ರತಿಯೊಂದು ಪ್ರಕ್ರಿಯೆ, ಪ್ರತಿಯೊಂದು ಪರದೆ ಮತ್ತು ಪ್ರತಿಯೊಂದು ದಾಖಲೆ ಮೊದಲು ಭಾರತೀಯ ಕಾನೂನಿನ ಒಂದು ಬಾಧ್ಯತೆಗೆ ಬದ್ಧವಾಗಿರುತ್ತದೆ.
ಇದು ಕಾಯ್ದೆಯದೇ ಭಾಷೆಯನ್ನು ಮಾತನಾಡುತ್ತದೆ: ಡೇಟಾ ಪ್ರಿನ್ಸಿಪಲ್‌ಗಳು, ಡೇಟಾ ಫಿಡ್ಯೂಷಿಯರಿಗಳು, ಡೇಟಾ ಸಂರಕ್ಷಣಾ ಮಂಡಳಿ. ಯಾವುದನ್ನೂ ನಂತರ ತೇಪೆ ಹಚ್ಚಿಲ್ಲ. ಅನುವಾದದಲ್ಲಿ ಏನೂ ಕಳೆದುಹೋಗಿಲ್ಲ.
डिजिटल वैयक्तिक डेटा संरक्षण अधिनियम, 2023
DPDP · 2023
- § 1
- § 2
- § 3
- § 4
- § 5
- § 6
- § 7
- § 8
- § 9
- § 10
- § 11
- § 12
- § 13
- § 14
- § 15
- § 16
- § 17
- § 18
ಒಂದು ಕಾನೂನು. ಆದ್ಯಂತ ಓದಿದ್ದು. ಸಾಲು ಸಾಲಾಗಿ ಕಟ್ಟಿದ್ದು.
140 ಕೋಟಿ ಜನರಿಗೂ ಗೌಪ್ಯತೆ, ಸಣ್ಣ ಅಕ್ಷರದ ಷರತ್ತುಗಳನ್ನು ಓದುವವರಿಗೆ ಮಾತ್ರವಲ್ಲ.
ತಮ್ಮ ಬಗ್ಗೆ ಏನು ಮಾಹಿತಿ ಇದೆ ಎಂದು ತಿಳಿಯುವ, ಅದನ್ನು ತಿದ್ದುವ, ಅಳಿಸುವ, ದೂರು ನೀಡುವ, ಹಾಗೂ ತಾವು ಅಶಕ್ತರಾದರೆ ತಮ್ಮ ಪರವಾಗಿ ಕಾರ್ಯನಿರ್ವಹಿಸಲು ಒಬ್ಬರನ್ನು ನೇಮಿಸುವ ಹಕ್ಕನ್ನು ಕಾಯ್ದೆ ಭಾರತದ ಪ್ರತಿಯೊಬ್ಬರಿಗೂ ನೀಡುತ್ತದೆ. ಒಬ್ಬ ವ್ಯಕ್ತಿ ನಿಜವಾಗಿ ಬಳಸಲು ಸಾಧ್ಯವಾದಾಗ ಮಾತ್ರ ಹಕ್ಕಿಗೆ ಅರ್ಥ. ಆದ್ದರಿಂದ Airavata ಅನ್ನು ಇಡೀ ಭಾರತಕ್ಕಾಗಿ ವಿನ್ಯಾಸಗೊಳಿಸಲಾಗುತ್ತಿದೆ:
- १ಜಿಲ್ಲಾ ಕೇಂದ್ರವೊಂದರಲ್ಲಿ ಮೊದಲ ಬಾರಿಗೆ ಸ್ಮಾರ್ಟ್‌ಫೋನ್ ಬಳಸುತ್ತಿರುವವರು.
- २ಎಂದೂ ಆನ್‌ಲೈನ್‌ನಲ್ಲಿ ಫಾರ್ಮ್ ತುಂಬದ ಅಜ್ಜ-ಅಜ್ಜಿಯರು.
- ३ತಮ್ಮದೇ ಭಾಷೆಯಲ್ಲಿ, ತಮ್ಮದೇ ಲಿಪಿಯಲ್ಲಿ ಅತ್ಯಂತ ಸರಾಗವಾಗಿ ಓದುವವರು.
- ४ವಿಕಲಚೇತನರು, ಮತ್ತು ಅವರ ಪರವಾಗಿ ಕಾರ್ಯನಿರ್ವಹಿಸುವ ಸಂರಕ್ಷಕರು.
- ५ಮಗು, ಮತ್ತು ಕಾನೂನು ನಿರ್ಧಾರದ ಹೊಣೆ ವಹಿಸಿರುವ ಪೋಷಕರು.
- ६ಹತ್ತು ಸೆಕೆಂಡುಗಳಲ್ಲಿ ಕೆಲಸ ಮುಗಿಯಬೇಕೆನ್ನುವ ಬಿಡುವಿಲ್ಲದ ವೃತ್ತಿಪರರು.
- ७ಇವೆಲ್ಲದರ ಹೊಣೆ ಹೊರಬೇಕಾದ, ಪ್ರತಿ ಸಂಸ್ಥೆಯೊಳಗಿನ ಅಧಿಕಾರಿ.
ವೈಯಕ್ತಿಕ ಡೇಟಾ ಸಂಗ್ರಹಿಸುವ ಮೊದಲು ಸರಳ ಭಾಷೆಯಲ್ಲಿ ಸ್ಪಷ್ಟ ಸೂಚನೆ.
ಭಾರತೀಯ ಭಾಷೆಗಳು ಮತ್ತು ಎಲ್ಲರಿಗೂ ಸುಗಮ ಬಳಕೆ Airavata ವೇದಿಕೆಯ ಅಡಿಪಾಯದಲ್ಲೇ ಇವೆ, ನಂತರದ ಯಾವುದೋ ಅಪ್‌ಡೇಟ್‌ನಲ್ಲಿ ಅಲ್ಲ.
ಇವರೆಲ್ಲರೂ ಬಳಸಲಾಗದಿದ್ದರೆ, ಅದು ಇನ್ನೂ ಪೂರ್ಣಗೊಂಡಿಲ್ಲ.
ಭಾರತ ಈಗಾಗಲೇ ನಂಬುವ ಹಳಿಗಳ ಮೇಲೆ ನಿರ್ಮಿತ.
ಭಾರತ ಜಗತ್ತಿನ ಅತ್ಯಂತ ಮಹತ್ವಾಕಾಂಕ್ಷೆಯ ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯವನ್ನು ನಿರ್ಮಿಸಿತು: ನೂರು ಕೋಟಿಗೂ ಹೆಚ್ಚು ಜನರಿಗೆ ಗುರುತು, ಜೇಬಿನಲ್ಲೇ ಅಧಿಕೃತ ದಾಖಲೆಗಳು, ಕ್ಷಣಾರ್ಧದಲ್ಲಿ ಪಾವತಿ.
Airavata ಅನ್ನು ಆ ಮೂಲಸೌಕರ್ಯವನ್ನು ಬಳಸಿಕೊಂಡು ಕೆಲಸ ಮಾಡುವಂತೆ ವಿನ್ಯಾಸಗೊಳಿಸಲಾಗಿದೆ, ಅದನ್ನು ಬದಿಗೊತ್ತಿ ಅಲ್ಲ. ಒಬ್ಬ ವ್ಯಕ್ತಿ ತಾನು ಯಾರೆಂದು, ಅಥವಾ ಒಂದು ಸಂಸ್ಥೆ ತಾನು ಯಾವುದೆಂದು ಸಾಬೀತುಪಡಿಸುವಾಗ, ಅದು ಭಾರತೀಯರಿಗೆ ಈಗಾಗಲೇ ಪರಿಚಿತವಾದ, ಅವರು ನಂಬುವ ಹಳಿಗಳ ಮೇಲೆಯೇ ನಡೆಯುತ್ತದೆ.
ಮೇರಿ ಪೆಹಚಾನ್ ಸಿಂಗಲ್ ಸೈನ್-ಆನ್‌ಗೆ (ಡಿಜಿಲಾಕರ್) ಅನುಮೋದನೆ ಪಡೆದಿದೆ. NeGD, MeitY ಜೊತೆ ಆನ್‌ಬೋರ್ಡ್ ಆಗಿದೆ.
ಭಾರತದಲ್ಲೇ ಹೋಸ್ಟ್ ಮಾಡಲಾಗಿದೆ.
ಇದು ಕಾಗದದ ಮೇಲಿನ ಕನಸಲ್ಲ.
Airavata ನಿರ್ಮಾಣಗೊಂಡಿದೆ, ಕಾರ್ಯನಿರ್ವಹಿಸುತ್ತಿದೆ, ಮತ್ತು ಪರೀಕ್ಷೆಯ ಅಂತಿಮ ಹಂತದಲ್ಲಿದೆ.
- १
ಪ್ರೊಡಕ್ಷನ್‌ನಲ್ಲಿ ಸಾಬೀತಾಗಿದೆ
ನಿಜವಾದ ವೈಯಕ್ತಿಕ ಡೇಟಾದ ಮೇಲೆ.
- २
ಆದ್ಯಂತ ಪರೀಕ್ಷಿಸಲಾಗಿದೆ
5 ಪ್ರಮುಖ ಡೇಟಾಬೇಸ್ ಕುಟುಂಬಗಳು ಮತ್ತು 7 SaaS ವೇದಿಕೆಗಳಲ್ಲಿ.
- ३
ದಾಳಿಕೋರನ ದೃಷ್ಟಿಯಿಂದ ಭದ್ರತಾ ಪರಿಶೀಲನೆ
ಪ್ರತಿಯೊಂದು ಪದರಕ್ಕೂ, ಒಂದೊಂದೇ ಸ್ಟ್ಯಾಕ್ ಹಿಡಿದು.
- ४
500ಕ್ಕೂ ಹೆಚ್ಚು ಪುಟಗಳು
ಭಾರತೀಯ ಕಾನೂನಿಗಾಗಿ ಬರೆದ ಕಾನೂನು ಪೂರ್ವಸಿದ್ಧತೆ.
- ५
ಎರಡು ಆವಿಷ್ಕಾರಗಳು
ಪೇಟೆಂಟ್ ಬಾಕಿ.
- ನಿರ್ಮಾಣ
- ಸಾಬೀತು
- ಬಲವರ್ಧನೆ
- ಅಂತಿಮ ಪರೀಕ್ಷೆಈಗ
- ಮುಂಚಿತ ಪ್ರವೇಶಮುಂದೆ
- ಬಿಡುಗಡೆ
ನಾವು ಇನ್ನೂ ಹೇಳದಿರುವುದು.
ಭಾರತದ ಹಾಗೂ ಜಾಗತಿಕ ಮಟ್ಟದ 100ಕ್ಕೂ ಹೆಚ್ಚು ಗೌಪ್ಯತೆ ಮತ್ತು ಸಮ್ಮತಿ ಉತ್ಪನ್ನಗಳನ್ನು ನಾವು ಅಧ್ಯಯನ ಮಾಡಿದೆವು. Airavata ರೀತಿಯಲ್ಲಿ ನಿರ್ಮಿಸಿದ ಒಂದೇ ಒಂದು ಉತ್ಪನ್ನವೂ ನಮಗೆ ಸಿಗಲಿಲ್ಲ.
ಹಾಗಾಗಿ, ಸದ್ಯಕ್ಕೆ ವಿವರಗಳನ್ನು ನಾವು ನಮ್ಮಲ್ಲೇ ಇಟ್ಟುಕೊಳ್ಳುತ್ತಿದ್ದೇವೆ.
ಗೌಪ್ಯತೆಯ ಲೋಕದಲ್ಲಿ ಇದುವರೆಗೆ ಯಾರೂ ಬಹಿರಂಗವಾಗಿ ಈಡೇರಿಸಿ ತೋರಿಸಲಾಗದ ಆ ಒಂದು ಭರವಸೆ.
ಕಾನೂನು ಬರೆದ ದಿನಕ್ಕಾಗಿ ಅಲ್ಲ, ಅದನ್ನು ಒರೆಗೆ ಹಚ್ಚುವ ದಿನಕ್ಕಾಗಿ ನಿರ್ಮಿತ.
ನಿಯಂತ್ರಕರು ಕರೆ ಮಾಡಿದಾಗ,
ತಮ್ಮ ಡೇಟಾವನ್ನು ನಂಬಿ ನಿಮಗೆ ಒಪ್ಪಿಸುವ ವ್ಯಕ್ತಿಯ ಕೈಯಲ್ಲಿ ಇರಬೇಕಾದದ್ದು.
ಬಿಡುಗಡೆಯ ದಿನ ಬಹಿರಂಗ.
ಯಾರದೋ ಬದುಕಿನ ಒಂದು ತುಣುಕು ಕೈಯಲ್ಲಿರುವ ಪ್ರತಿಯೊಂದು ಸಂಸ್ಥೆಗಾಗಿ.
ನೀವು ಭಾರತದಲ್ಲಿರುವ ಜನರಿಂದ ಹೆಸರು, ಫೋನ್ ನಂಬರ್, ಆರೋಗ್ಯ ದಾಖಲೆ, ಪರೀಕ್ಷೆಯ ಅಂಕ ಅಥವಾ ಖರೀದಿ ಇತಿಹಾಸವನ್ನು ಸಂಗ್ರಹಿಸಿದರೆ, DPDP ಕಾಯ್ದೆ ನಿಮಗೆ ಅನ್ವಯಿಸುತ್ತದೆ. ಹತ್ತು ದಾಖಲೆಗಳಿರಲಿ, ಹತ್ತು ಕೋಟಿ ಇರಲಿ, ಕಾನೂನು ಕೇಳುವ ಕಾಳಜಿ ಒಂದೇ.
ಇಬ್ಬರೇ ಇರುವ ಸ್ಟಾರ್ಟ್‌ಅಪ್‌ನಿಂದ ರಾಷ್ಟ್ರೀಯ ಸಂಸ್ಥೆಯವರೆಗೆ, ಎಲ್ಲರಿಗಾಗಿಯೂ Airavata ನಿರ್ಮಾಣವಾಗುತ್ತಿದೆ.
- ०१ಸಾರ್ವಜನಿಕ ಸೇವೆಗಳು
- ०२ಬ್ಯಾಂಕಿಂಗ್ ಮತ್ತು ಹಣಕಾಸು
- ०३ಆರೋಗ್ಯ ಸೇವೆ
- ०४ಶಿಕ್ಷಣ
- ०५ವಾಣಿಜ್ಯ
- ०६ತಂತ್ರಜ್ಞಾನ
ನಾವು ನಮಗೇ ಹಾಕಿಕೊಂಡಿರುವ ಮಾನದಂಡಗಳು.
ಭಾರತ ಮೊದಲು.
ಎಲ್ಲಕ್ಕಿಂತ ಮೊದಲು ಭಾರತೀಯ ಕಾನೂನು, ಭಾರತೀಯ ಭಾಷೆಗಳು ಮತ್ತು ಭಾರತೀಯರ ಬದುಕಿಗಾಗಿ ನಿರ್ಮಿತ.
ಕಾನೂನಿನ ಕಗ್ಗಂಟಿಗಿಂತ ಸರಳ ಭಾಷೆ.
ಒಬ್ಬ ವ್ಯಕ್ತಿಗೆ ಅರ್ಥವಾಗದಿದ್ದರೆ, ಅದನ್ನು ವಿವರಿಸಿದಂತೆಯೇ ಅಲ್ಲ.
ಭರವಸೆಗಿಂತ ಪುರಾವೆ.
ತೋರಿಸಲಾಗದ ಯಾವುದನ್ನೂ ಹೇಳಿಕೊಳ್ಳುವುದಿಲ್ಲ.
ಭಾರತದಲ್ಲೇ ಹೋಸ್ಟ್ ಮಾಡಲಾಗಿದೆ.
ಭಾರತೀಯ ಡೇಟಾ, ಭಾರತದ ನೆಲದಲ್ಲೇ.
ನಮಗೂ ಅದೇ ಕಾನೂನು.
ನಾವು ಯಾವ ಕಾನೂನಿಗಾಗಿ ನಿರ್ಮಿಸುತ್ತೇವೆಯೋ, ಅದನ್ನೇ ನಾವೂ ಪಾಲಿಸುತ್ತೇವೆ.
ಮೊದಲು ಒಳಬರುವವರು ನೀವೇ ಆಗಿ.
ಮೊದಲಿಗೆ ಸಂಸ್ಥೆಗಳ ಒಂದು ಸಣ್ಣ ಗುಂಪಿಗೆ ಮುಂಚಿತ ಪ್ರವೇಶ ತೆರೆಯಲಿದೆ. ನಿಮ್ಮ ವಿವರಗಳನ್ನು ನೀಡಿ. ಬೇರೆ ಯಾರಿಗಾದರೂ ತಿಳಿಯುವ ಮೊದಲೇ ನಾವು ನಿಮ್ಮನ್ನು ಸಂಪರ್ಕಿಸುತ್ತೇವೆ.
ನಿಮ್ಮ ಪ್ರಶ್ನೆಗಳಿಗೆ ಉತ್ತರ.
Airavata ಯಾವಾಗ ಬಿಡುಗಡೆಯಾಗುತ್ತದೆ?
ಶೀಘ್ರದಲ್ಲೇ. Airavata ಪರೀಕ್ಷೆಯ ಅಂತಿಮ ಹಂತದಲ್ಲಿದೆ. ಮುಂಚಿತ ಪ್ರವೇಶದ ಪಟ್ಟಿಯಲ್ಲಿರುವ ಸಂಸ್ಥೆಗಳಿಗೆ ಮೊದಲು ತಿಳಿಸಲಾಗುತ್ತದೆ.
Airavata ಯಾರಿಗಾಗಿ?
ಇಬ್ಬರೇ ಇರುವ ಸ್ಟಾರ್ಟ್‌ಅಪ್‌ನಿಂದ ರಾಷ್ಟ್ರೀಯ ಸಂಸ್ಥೆಯವರೆಗೆ, ಭಾರತದ ಜನರ ಡಿಜಿಟಲ್ ವೈಯಕ್ತಿಕ ಡೇಟಾವನ್ನು ನಿರ್ವಹಿಸುವ ಯಾವುದೇ ಸಂಸ್ಥೆಗಾಗಿ.
ನಮ್ಮದು ಸಣ್ಣ ಕಂಪನಿ. ಕಾನೂನು ನಮಗೂ ಅನ್ವಯಿಸುತ್ತದೆಯೇ?
ನಿಮ್ಮ ಸಂಸ್ಥೆ ಚಿಕ್ಕದಿರಲಿ ದೊಡ್ಡದಿರಲಿ, ಹೆಚ್ಚಿನ ಹೊಣೆಗಾರಿಕೆಗಳು ಅನ್ವಯಿಸುತ್ತವೆ. ಐದು ಜನರ ಅನುಸರಣಾ ವಿಭಾಗವಿಲ್ಲದೆಯೇ ಐದು ಜನರ ತಂಡವೂ ಅವನ್ನು ಪೂರೈಸುವಂತೆ Airavata ಅನ್ನು ನಿರ್ಮಿಸಲಾಗುತ್ತಿದೆ.
Airavata ಅನ್ನು ಇತರ ದೇಶಗಳ ಕಾನೂನುಗಳಿಗಾಗಿಯೂ ನಿರ್ಮಿಸಲಾಗಿದೆಯೇ?
Airavata ಮೊದಲು ಭಾರತದ ಕಾನೂನಿಗಾಗಿ ನಿರ್ಮಿತ. ಇದು ನಮ್ಮ ಆಯ್ಕೆ, ಮಿತಿಯಲ್ಲ.
ನಮ್ಮ ಡೇಟಾ ಎಲ್ಲಿ ಹೋಸ್ಟ್ ಆಗುತ್ತದೆ?
ಭಾರತದಲ್ಲಿ.
ಯಾವ ಭಾಷೆಗಳಲ್ಲಿ ಲಭ್ಯವಿರುತ್ತದೆ?
Airavata ಅನ್ನು ಭಾರತ ಮಾತನಾಡುವ ಭಾಷೆಗಳಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಸಂಪೂರ್ಣ ಪಟ್ಟಿ ಬಿಡುಗಡೆಯ ವೇಳೆ ಪ್ರಕಟವಾಗುತ್ತದೆ.
ವಿಕಲಚೇತನರೂ ಇದನ್ನು ಸುಲಭವಾಗಿ ಬಳಸಬಹುದೇ?
ಎಲ್ಲರಿಗೂ ಸುಗಮ ಬಳಕೆ ಎಂಬುದು Airavata ವೇದಿಕೆಯ ಅಡಿಪಾಯದ ಭಾಗ, ನಂತರದ ಅಪ್‌ಡೇಟ್‌ನಲ್ಲಿ ಸೇರಿಸುವಂಥದ್ದಲ್ಲ. ಕಾನೂನು ಭಾರತದ ಪ್ರತಿಯೊಬ್ಬರನ್ನೂ ರಕ್ಷಿಸುತ್ತದೆ. ಉತ್ಪನ್ನವೂ ಹಾಗೆಯೇ ಪ್ರತಿಯೊಬ್ಬರಿಗಾಗಿ ಇರಬೇಕು.
ಇದರ ಬೆಲೆ ಎಷ್ಟು?
ಬೆಲೆಯನ್ನು ಬಿಡುಗಡೆಯ ವೇಳೆ ಪ್ರಕಟಿಸಲಾಗುವುದು. ಮುಂಚಿತ ಪ್ರವೇಶ ಪಡೆದ ಸಂಸ್ಥೆಗಳಿಗೆ ಮೊದಲು ತಿಳಿಸಲಾಗುತ್ತದೆ.
ನಿಮ್ಮ ಆವಿಷ್ಕಾರಗಳು ಯಾವುವು?
ನಮ್ಮ ಕೆಲಸದ ಆಧಾರವಾಗಿ ಎರಡು ಪೇಟೆಂಟ್ ಬಾಕಿ ಇರುವ ಆವಿಷ್ಕಾರಗಳಿವೆ. ಅವು ಹೇಗೆ ಕೆಲಸ ಮಾಡುತ್ತವೆ ಎಂಬುದು ಸದ್ಯಕ್ಕೆ ಪೇಟೆಂಟ್ ಅರ್ಜಿಗಳಲ್ಲೇ ಉಳಿಯುತ್ತದೆ.
Airavata ಅನ್ನು ಯಾರು ನಿರ್ಮಿಸುತ್ತಿದ್ದಾರೆ?
AXIOMAERA Private Limited, BITS ಪಿಲಾನಿಯಲ್ಲಿ (PIEDS) ಇನ್‌ಕ್ಯುಬೇಟ್ ಆಗಿರುವ ಮಹಾರಾಷ್ಟ್ರದ ಡೀಪ್-ಟೆಕ್ನಾಲಜಿ ಕಂಪನಿ.